الرئيسية
أحدث الصور
التسجيل
دخول
ليه يا صاحبي فيا تشتري و تبيع
خاف عليا يوم منك أضيع
قسمت عمري معاك شتا و ربيع
قسمت إنت ضهري إنحنيت صريع
غلبت أقول لنفسي ياما أعذار
و أضحك عليها بكام كلمة و حوار
كتّبتني بإيدي عليا إقرار
مش مسئولة هي عن كاسات المرار
من كام سنة كانوا إتنين صحاب
إختاروا يبعدوا بمزاجهم بقوا أغراب
قفلوا بينهم و بين الماضي أي باب
ظن الزمن فيهم و في بعضهم خاب
سلام يا صاحبي ماعرفناش نعيش
في زمن قالوا فيه علينا دراويش
و أدينا رحنا و كأن اللى كان مافيش
بس يا صاحبي أمانة ما تنسانيش
ما تسألنيش يا قلبي عن حب كان
لا أنا ليا ذنب و لا إنت كمان
و لا عاد للحب في الدنيا مكان
بقى سيرة في قصة كان ياما كان
طلع كل اللى شايله تحت البلاطة
عيش حياتك دلع و ألاطة
كلها كام يوم يتعدوا و ببساطة
يخلص وقتك و تموت فبلاش عباطة
ليه كدة بس يا عم إنسان
تعرض نفسك بضاعة في دكان
مستني تتباع حتى لو إحسان
إشتري إنت نفسك و بلاش تنهان
ليه يا روحي جواكي بصمة خوف
سيبيني أجري ورا حلمي ملهوف
بلاش ترعبيني إعملي معروف
مش هترجعيني مهما هشوف
يا ترى إمتى أشوف الحلقة الأخيرة
لمسلسل حياتي بحبكة خبيرة
تحل في لحظة ألغازي الكبيرة
تكتب النهاية السعيدة لأحزان كتيرة
سجن إنت يا قلبي و أنا السجان
و ضلوع صدري ليك قضبان
بس أول مرة بنشوف يا جدعان
سجن و اللي مسجون فيه هو السجان
ليه حتى الدموع في عينيا إتحجرت
ليه نفسي برة مني عليا دورت
ليه أحلامي حلم ورا حلم إتدمرت
ألف ليه و ليه ولا حاجة إتفسرت
تعال يا قلبي نرحل لدنيا مافيهاش ناس
شبعنا ياما قسوة و جرح إحساس
بس قالوها زمان و كلامهم ليه أساس
جنة من غير ناس ما تنداس
خاف عليا يوم منك أضيع
قسمت عمري معاك شتا و ربيع
قسمت إنت ضهري إنحنيت صريع
غلبت أقول لنفسي ياما أعذار
و أضحك عليها بكام كلمة و حوار
كتّبتني بإيدي عليا إقرار
مش مسئولة هي عن كاسات المرار
من كام سنة كانوا إتنين صحاب
إختاروا يبعدوا بمزاجهم بقوا أغراب
قفلوا بينهم و بين الماضي أي باب
ظن الزمن فيهم و في بعضهم خاب
سلام يا صاحبي ماعرفناش نعيش
في زمن قالوا فيه علينا دراويش
و أدينا رحنا و كأن اللى كان مافيش
بس يا صاحبي أمانة ما تنسانيش
ما تسألنيش يا قلبي عن حب كان
لا أنا ليا ذنب و لا إنت كمان
و لا عاد للحب في الدنيا مكان
بقى سيرة في قصة كان ياما كان
طلع كل اللى شايله تحت البلاطة
عيش حياتك دلع و ألاطة
كلها كام يوم يتعدوا و ببساطة
يخلص وقتك و تموت فبلاش عباطة
ليه كدة بس يا عم إنسان
تعرض نفسك بضاعة في دكان
مستني تتباع حتى لو إحسان
إشتري إنت نفسك و بلاش تنهان
ليه يا روحي جواكي بصمة خوف
سيبيني أجري ورا حلمي ملهوف
بلاش ترعبيني إعملي معروف
مش هترجعيني مهما هشوف
يا ترى إمتى أشوف الحلقة الأخيرة
لمسلسل حياتي بحبكة خبيرة
تحل في لحظة ألغازي الكبيرة
تكتب النهاية السعيدة لأحزان كتيرة
سجن إنت يا قلبي و أنا السجان
و ضلوع صدري ليك قضبان
بس أول مرة بنشوف يا جدعان
سجن و اللي مسجون فيه هو السجان
ليه حتى الدموع في عينيا إتحجرت
ليه نفسي برة مني عليا دورت
ليه أحلامي حلم ورا حلم إتدمرت
ألف ليه و ليه ولا حاجة إتفسرت
تعال يا قلبي نرحل لدنيا مافيهاش ناس
شبعنا ياما قسوة و جرح إحساس
بس قالوها زمان و كلامهم ليه أساس
جنة من غير ناس ما تنداس
